Laboratory main khoooon tayar karnay main kamyabi.

by **Gulzar** Tue Sep 16, 2008 6:41 am

لیبارٹری میں خون تیار کرنے میں کامیابی

Laboratory main khoooon tayar karnay main kamyabi. Blood-drop

جدید طبی تحقیق رپورٹ کے مطابق سائنس دانوں نے لیبارٹری میں خون تیار کرنے میں کامیابی حاصل کر لی ہے۔ بہ خون مریضوں کو لگا کر ان کی جان بچائی جا سکے گی۔ یہ رپورٹ معروف میڈیکل کے عالمی جریدے''جرنل بلڈ''میں شائع کی گئی ہے۔ جس کو ''یونیورسٹی آف مینیسوٹاسٹیم سیلز انسٹی ٹیوٹ'' کے ایسوسی ایٹ ڈائریکٹر ڈاکٹر کیوف مین نے مرتب کیا ہے۔ رپورٹ کے مطابق لیبارٹری میں تیار ہونے والے خون کو بڑی مقدار میں تیار کیا جاسکے گا، لیکن ماہرین نے اس خون کو مریضوں کو لگانے سے قبل متعدد تحقیق کرنے کی ضرورت ہے تاکہ اس کے معیار میں تیزی لائی جا سکے اور حقیقی معنوں میں خون کے متبادل کا معیار حاصل ہو سکے۔ ماہرین نے بتایا کہ لیبارٹری میں تیار کیا جانے والا خون ''سٹیم سیل''کی چار مرحلوں کی تکنیک کے ذریعے تیار کیا جا رہا ہے۔ اور اس خون میں سرخ خلیئے نارمل خون کی طرح آکسیجن حاصل کرنے کے قابل ہیں۔ یہ خون کسی بھی ہسپتال میں تیار کیا جاسکے گا اور اس میں خون کے تمام گروپ شامل ہونگے۔ ماہرین نے توقع ظاہر کی ہے کہ لیبارٹری میں تیار ہونے والے خون سے ہیپا ٹائٹس سی او ایڈز کے وائرس کی منتقلی کو روکا جا سکے گا۔