DARAD

by **Gulzar** Mon Nov 03, 2008 4:30 pm

جب رات کی ناگن ڈستی ھے
نس نس میں زہر اترتا ھے

جب چاند کی کرنیں تیزی سے
اس دل کو چیر کے آتی ھیں

جب آنکھ کے اندر ھی آنسوں
زنجیروں میں بندھ جاتے ھیں

سب جذبوں پر چھا جاتے ھو
تب یاد بہت تم آتے ھو

جب درد کی جھانجھر بجتی ھے
جب رقص غموں کا ھوتا ھے

خوابوں کی نال پہ سارے دکھ
وحشت کے ساز بجاتے ھیں

گاتے ھیں خواہش کی لے میں
مستی میں جھومتے جاتے ھیں

سب جذبو ں پر چھا جاتے ھو
تب یاد بہت تم آتے ھو